بلوچی شاعری

امروز ءِ شگاناں من ءَ کشتگ من نزانتگ,
تو ھم من ءَ وھد ءَ گوں شمشتگ من نزانتگ.

من گشتگ بگندئے گوں گماں بند ءُ گلاش اِنت,
چو کانچ ءِ وڈا دل منی پرشتگ من نزانتگ.

ھچ پشت نکپتگ منی گیرانی پتینکاں,
یاتانی ھمک نکش لگشتگ من نزانتگ.

تو چہ من ءَ سیادی وتی سِستگ اے سما اِنت,
امروز ءَ چہ من دل وتی ششتگ من نزانتگ.

دنیا پہ رواداری ءَ رامگ نہ بیت کازی,
اے راز تو مرچی من ءَ گشتگ من نزانتگ.

مبارک کاضی